Tannskemmdir eru því miður frekar algengar. Í munninum lifa bakteríur sem nærast á sykri. Þessar bakteríur búa til sýru sem eyðir tannvef og þá myndast tannskemmd. Tannskemmdin stækkar bara ef hún er ekki löguð. Meðan skemmdin er aðeins í glerungnum, ysta lagi tannarinnar, má stöðva framgang hennar með bættri tannhirðu. Mikilvægt er að bursta með flúortannkremi tvisvar á dag auk þess að nota tannþráð daglega. Tannskemmdir geta leynst víða og fólk finnur ekki endilega fyrir þeim nærri strax.

Nei. Tannskemmdir geta leynst víða og það er ekki fyrr en þær eru orðnar stórar sem þú finnur örugglega fyrir þeim. Þegar tannskemd er lítil og aðeins í ysta lagi tannarinnar eða glerungi má stöðva hana með bættri tannhirðu. Með reglulegum heimsóknum til tannlæknis eykur það líkur á að meðhöndla megi tannskemmdir meðan þær eru enn litlar.

Verkur er aðferð líkamans til að gefa til kynna að ekki er allt með feldu. Tannpína er verkur í tönn eða tannholdi sem kemur til vegna stórrar skemmdar sem nær inn í taugarhol tannarinnar. Tannpína getur líka gert vart við sig vegna áverka af einhverju tagi, til dæmis eftir högg við fall eða slagsmál.