Við ráðleggjum einstaklingum með góða tannheilsu að koma einu sinni á ári. Þeir  sem safna miklum tannsteini eða fá ítrekað tannskemmdir er ráðlagt að koma á 3–6 mánaða fresti.

Mælt er með því að börn komi í reglulegt eftirlit frá 3 ára aldri.

Nei. Tannskemmdir geta leynst víða og það er ekki fyrr en þær eru orðnar stórar sem þú finnur örugglega fyrir þeim. Þegar tannskemd er lítil og aðeins í ysta lagi tannarinnar eða glerungi má stöðva hana með bættri tannhirðu. Með reglulegum heimsóknum til tannlæknis eykur það líkur á að meðhöndla megi tannskemmdir meðan þær eru enn litlar.

Tannskemmdir eru því miður frekar algengar. Í munninum lifa bakteríur sem nærast á sykri. Þessar bakteríur búa til sýru sem eyðir tannvef og þá myndast tannskemmd. Tannskemmdin stækkar bara ef hún er ekki löguð. Meðan skemmdin er aðeins í glerungnum, ysta lagi tannarinnar, má stöðva framgang hennar með bættri tannhirðu. Mikilvægt er að bursta með flúortannkremi tvisvar á dag auk þess að nota tannþráð daglega. Tannskemmdir geta leynst víða og fólk finnur ekki endilega fyrir þeim nærri strax.

Já. Flúor gegnir mikilvægu hlutverki í að verjast tannskemmdum og því nauðsynlegt að tannkrem innihaldi flúor.

Einkennunum má skipta í tvennt. Annars vegar eru það þau sem koma fram í svefni svo sem háværar hrotur, öndurnarhlé, óvær svefn og nætursviti. Hinsvegar eru það einkenni sem koma fram í vöku líkt og þreyta, einbeitingarskortur og syfja við akstur.

Já, að undanskildu 2500 kr. komugjaldi sem er greitt einu sinni á 12 mánaða fresti.

Glerungseyðing er það þegar sýra leysir upp tannvef. Ferlið er óafturkræft og veldur varanlegum skaða. Erfitt og kostnaðarsamt getur verið að laga glerungseyðingu. Þetta er því miður vaxandi vandamál hjá ungu fólki þar sem neysla á gos, orku og íþróttadrykkjum hefur aukist undanfarin ár.  Einnig getur bakflæði orsakað glerungseyðingu.

Allir gos-, orku- og íþróttadrykkir eru glerungseyðandi. Þeir eiga það sameiginlegt að innihalda sýrur (sítrónusýru, fosfórssýru) sem auka endingu drykkjanna. Þessi innihaldsefni gera það að verkum að sýrustig (pH-gild) drykkjanna er lágt sem gerir þá glerungsayðandi. Áhrifin aukast eftir því sem neyslutíminn er lengri. Sífelld neysla er mjög skaðleg fyrir tennurnar. Glerungseyðing er varanlegur skaði, glerungur myndast aldrei aftur.

Hreint vatn er alltaf besti svaladrykkurinn!